Mariya Timofeyeva Istanbuldagi WTA 125 turnirida g‘olib bo‘ldi

Toshkent, O‘zbekiston (UzDaily.uz) — O‘zbekiston vakili Mariya Timofeyeva Istanbul shahrida yakunlangan WTA 125 seriyasi turniri g‘olibasiga aylandi. Bu haqda O‘zbekiston tennis federatsiyasi xabar qildi.

Final bahsida o‘zbekistonlik tennischi xorvatiyalik Donna Vekichni ikki setda ishonchli tarzda mag‘lub etdi — 6:4, 6:2.

Timofeyeva uchun ushbu sovrin WTA 125 darajasidagi faoliyatidagi ilk chempionlik bo‘ldi. G‘alaba sportchiga reyting uchun 125 ochko hamda 15,5 ming AQSH dollari miqdorida mukofot puli keltirdi.

Turnir finalchisi Donna Vekich esa WTA reytingi uchun 81 ochko va 8,4 ming AQSH dollari miqdorida mukofot puliga ega bo‘ldi.