“Kvars” aksiyadorlari foydaning yarmini dividendlarga yo‘naltirdi

Toshkent, O’zbekiston (UzDaily.uz) — “Kvars” aksiyadorlik jamiyati aksiyadorlari 25 iyun kuni bo‘lib o‘tgan yillik umumiy yig‘ilishda kompaniyaning 2025 yil yakunlari bo‘yicha 1,34 milliard so‘m miqdoridagi sof foydasini taqsimlashni tasdiqladi.

Qabul qilingan qarorga muvofiq, sof foydaning 50 foizi yoki 670,4 million so‘mi dividendlar to‘lashga yo‘naltiriladi. Bir dona oddiy aksiya uchun dividend miqdori 6,95 so‘m etib belgilandi.

Qolgan 670,4 million so‘m, yaʼni sof foydaning yana 50 foizini kompaniyaning qoplanmagan zararini qisman qoplashga sarflashga qaror qilindi. 2025 yil yakunlariga ko‘ra, mazkur zarar miqdori 97,7 milliard so‘mni tashkil etgan.

Shuningdek, aksiyadorlar “Kvars” aksiyadorlik jamiyatining 2026–2030 yillarga mo‘ljallangan rivojlanish strategiyasini ham tasdiqladi.