Jahon markaziy banklari oltin zahiralarini 60,2 tonnaga oshirdi

Toshkent, O‘zbekiston (UzDaily.uz) — Jahon oltin kengashi (World Gold Council, WGC) ma’lumotlariga ko‘ra, 2024-yil oktyabr oyida jahon markaziy banklari oltin zahiralarini 60,2 tonnaga oshirdi, bu yil davomida bir oylik eng yuqori ko‘rsatkich hisoblanadi.

Oltin xaridi bo‘yicha yetakchilar Hindiston (26,9 tonna), Turkiya (16,6 tonna) va Polsha (7,5 tonna) bo‘lib, ular yil davomida umumiy xaridlarning yarmidan ortig‘ini tashkil etdi, deb ta’kidlaydi WGC tahlilchisi.

Asosiy faollikni rivojlanayotgan mamlakatlar markaziy banklari ko‘rsatmoqda.

Oktyabr oyida netto-xaridorlar qatorida Qozog‘iston (4,2 tonna), Chexiya (2,3 tonna), Qirg‘iziston (1,6 tonna), Gana (1 tonna), Mongoliya (0,5 tonna) va Singapur (0,3 tonna) ham bo‘ldi.