Canaan communication & technologies kompaniyasi Sirdaryoda BPO biznesini rivojlantirishni rejalashtirmoqda

Toshkent, O‘zbekiston (UzDaily.uz) — Erkinjon Turdimov Malayziyaning Canaan communication & technologies kompaniyasi vakillarini qabul qildi. Unda hamkorlik istiqbollari muhokama etildi.

Kompaniya vakillari muloqot davomida Sirdaryoda BPO sohasida ishlashni rejalashtirishayotgani va bu borada mahalliy kadrlarni o‘qitish rejalari borligini ta`kidlashdi.

O‘z navbatida viloyat rahbari qonun doirasida kompaniyaga ko‘maklashishga tayyorligini bildirdi.

Yakunda hamkorlikda istiqbolli loyihalarni amalga oshirishga kelishib olindi.