Azerbaijan Mining Expo 2027 Bokuda 8–10 sentyabrda o‘tkaziladi
Toshkent, O’zbekiston (UzDaily.uz) — Xalqaro Azerbaijan Mining Expo 2027 ko‘rgazmasi 2027 yil 8–10 sentyabr kunlari Bokudagi Baku Expo Center majmuasida bo‘lib o‘tadi.
Tadbirda Ozarbayjon, Kavkaz va Markaziy Osiyo mamlakatlari, shuningdek, boshqa xalqaro bozorlardan tog‘-kon sanoati vakillari, davlat organlari, investorlar, EPC-pudratchilari, muhandislik kompaniyalari, uskuna ishlab chiqaruvchilar va texnologiyalar yetkazib beruvchilar ishtirok etadi.
Ko‘rgazma tog‘-kon sanoatini rivojlantirishning asosiy yo‘nalishlariga bag‘ishlanadi va qiymat yaratishning geologik qidiruv va konlarni o‘zlashtirishdan tortib, foydali qazilmalarni qayta ishlash hamda og‘ir texnika ishlab chiqarishgacha bo‘lgan butun jarayonini qamrab oladi.
Tog‘-kon sektorini raqamlashtirish va yer osti boyliklaridan barqaror foydalanish tamoyillarini joriy etishga alohida eʼtibor qaratilishi rejalashtirilgan. Ekspozitsiyada sohadagi ishlarning turli bosqichlari bilan bog‘liq yechimlar va texnologiyalar namoyish etiladi.
Azerbaijan Mining Expo 2027 ko‘rgazmasi Ozarbayjon tog‘-kon sektorining rivojlanish davriga to‘g‘ri keladi. Mamlakat oltin, mis, temir rudasi va polimetall rudalari zaxiralariga ega. Qorabog‘ va Sharqiy Zangezurda 170 dan ortiq istiqbolli uchastkalar aniqlangan.
Ko‘rgazma materiallarida qayd etilishicha, Ozarbayjon 2030 yilgacha foydali qazilmalarning 134 ta yangi konlarini o‘zlashtirish va amaldagi korxonalarni modernizatsiya qilishni rejalashtirmoqda.
Tashkilotchilar Azerbaijan Mining Expo 2027 ko‘rgazmasini mintaqa tog‘-kon sanoatining yangi imkoniyatlariga qiziquvchi kompaniyalar uchun xalqaro maydon sifatida taqdim etmoqda.
Ko‘rgazma ishtirokchilari yangi tog‘-kon loyihalarini amalga oshirish doirasida kompaniyalar va qaror qabul qiluvchi asosiy shaxslar bilan ishbilarmonlik aloqalarini o‘rnatish imkoniyatiga ega bo‘ladi.
Shuningdek, tadbir uskuna ishlab chiqaruvchilar, texnologik kompaniyalar, investorlar, muhandislik tashkilotlari va tog‘-kon sanoati korxonalari o‘rtasida hamkorlik qilish uchun imkoniyat yaratishi kutilmoqda.
