Alisher Usmonov Prezident xavfsizlik xizmati rahbarligidan ozod etildi

Toshkent, O’zbekiston (UzDaily.uz) — Alisher Usmonov O‘zbekiston Prezidenti Davlat xavfsizlik xizmati raisi lavozimidan ozod etildi. Bu haqda Kun.uz xabar berdi.

Alisher Usmonov 2020 yil dekabr oyidan buyon O‘zbekiston Prezidenti Davlat xavfsizlik xizmatiga rahbarlik qilib kelayotgan edi.

Mazkur lavozimga tayinlanishidan avval u O‘zbekiston Davlat xavfsizlik xizmati raisi o‘rinbosari lavozimida faoliyat yuritgan.

Kadrlar bo‘yicha mazkur qarorning sabablari hamda O‘zbekiston Prezidenti Davlat xavfsizlik xizmatiga yangi rahbar kim etib tayinlanishi haqida maqola eʼlon qilingan paytda rasmiy maʼlumot berilmagan.