O‘zbekistonga tabiiy asal importi qariyb uch barobar oshdi

Toshkent, O’zbekiston (UzDaily.uz) — 2026 yilning dastlabki to‘rt oyida O‘zbekistonga tabiiy asal importi o‘tgan yilning shu davriga nisbatan qariyb uch barobarga oshdi. Bu haqda Milliy statistika qo‘mitasi maʼlumotlari guvohlik bermoqda.

Yanvar–aprel oylarida respublikaga umumiy qiymati 584,4 ming AQSH dollariga teng bo‘lgan 642,2 tonna tabiiy asal import qilindi.

2025 yilning shu davriga nisbatan import hajmi 422,4 tonnaga yoki 2,9 barobarga ko‘paygan.

O‘zbekistonga tabiiy asal yetkazib beruvchi eng yirik davlat Qozog‘iston bo‘lib, ushbu mamlakatdan 372 tonna mahsulot import qilingan. Ikkinchi o‘rinni 168 tonna bilan Qirg‘iziston, uchinchi o‘rinni esa respublikaga 87,9 tonna asal eksport qilgan Rossiya egalladi.

Shuningdek, Germaniyadan 10 tonna, Vengriyadan esa 2,2 tonna tabiiy asal yetkazib berilgan.

Qolgan davlatlar hissasiga import qilingan tabiiy asalning yana 2,1 tonnasi to‘g‘ri keldi.