Abdurahmon Abdullayev BAAdagi xalqaro musobaqada kumush medalni qo‘lga kiritdi

Toshkent, O‘zbekiston (UzDaily.uz) — O‘zbekistonlik sportchi Abdurahmon Abdullayev BAAning Abu-Dabi shahrida o‘tkazilgan CSI2* toifasidagi xalqaro konkur musobaqasida kumush medalni qo‘lga kiritdi.

Gran-pri bahslarida (145 sm balandlikdagi to‘siqlar) Abdullayev «Chikaritto» laqabli otda 40,83 soniyalik natija ko‘rsatib, ikkinchi o‘rinni egalladi.

Bu yutuq o‘zbek chavandozlarining xalqaro arenalardagi yuqori tayyorgarlik darajasini namoyon etmoqda.