Toşkent, Özbekiston (UzDaily.uz) — Özbekiston Oliy Majlisi Qonunçilik palatasi spikeri Nuriddin Ismoilov boşçiligidagi delegatsiya Ummon Sultonatida taşrif bilan bölib turibdi. Taşrif doirasida Ummon Maslahat kengaşi raisi Xolid al-Maavali bilan uçraşuv bölib ötdi. Unda tomonlar parlamentlararo hamkorlikni rivojlantiriş istiqbollarini muhokama qildi.
Muzokaralar davomida ikki mamlakat rahbarlarining oçiq va pragmatik taşqi siyosati tufayli Özbekiston va Ummon örtasidagi munosabatlar rivojlanayotgani, davlatlar örtasida şeriklik aloqalari şakllangani ta’kidlandi.
Nuriddin Ismoilov Ummon tomonini Prezident Şavkat Mirziyoyev rahbarligida Özbekistonda amalga oşirilayotgan islohotlar bilan taniştirdi. Şuningdek, Qonunçilik palatasi faoliyati, qonunçilik taşabbuslari ustida olib borilayotgan işlar, parlament nazorati hamda ikki mamlakat qonun çiqaruvçi organlari örtasidagi hamkorlikni mustahkamlaş çoralari haqida ma’lumot berdi.
Xolid al-Maavali, öz navbatida, Özbekistonda amalga oşirilayotgan keng kölamli özgarişlarni e’tirof etdi. U ötgan yili Toşkentda bölib ötgan Parlamentlararo ittifoqning 150-yubiley assambleyasida iştirok etganini eslab, mamlakatdagi islohotlar unda katta taassurot qoldirganini ta’kidladi.
Uçraşuvda parlamentlar örtasidagi aloqalarni faollaştiriş imkoniyatlariga alohida e’tibor qaratildi. Jumladan, qonun çiqaruvçi organlarning tegişli qömitalari örtasida tajriba almaşiş, parlamentlararo muloqotni yana-da rivojlantiriş va qöşma loyihalarni amalga oşiriş masalalari muhokama qilindi.
Tomonlar, şuningdek, hamkorlikni kengaytiriş istiqbollari va özaro manfaatli yönalişlardagi aloqalarni mustahkamlaş yuzasidan fikr almaşdi.
Özbekiston parlamenti delegatsiyasining Ummonga taşrifi davom etmoqda.
