“Uzmobile” компанияси “Anite”нинг ечимини сотиб олади

Тошкент, Ўзбекистон (UzDaily.uz) -- “Uzmobile” миллий мобил алоқа оператори “Anite” компаниясининг тармоқни радиоўлчаш, оптималлаштириш, қайта ишлатиш ва мониторинги учун “Nemo” деб номланган ечимини сотиб олади.

“Anite” компанияси маълумотига кўра, “Uzmobile” Nemo Outdoor, Nemo Invex II, Nemo FSR1, Nemo Analyze ва Nemo Commander каби ечимларни сотиб олади.

Мазкур ечимлар ёрдамида “Uzmobile” радиоқамровни ҳамда кўрсатилаётган хизматлар сифатини баҳолаш учун мобил лабораториялар яратади.

Россиянинг “DMTel” компанияси мазкур мобил лабораторияларни яратишда “Uzmobile” компаниясига кўмак беради.