Тошкент, Ўзбекистон (UzDaily.uz) — Ўзбекистон 3–5 ноябрь кунлари ExCeL London кўргазма марказида бўлиб ўтаётган World Travel Market (WTM) London 2026 халқаро кўргазмасида мамлакатнинг туристик имкониятларини тақдим этмоқда.
S4-502 рақами остидаги Ўзбекистон миллий стенди 11 та иштирокчини бирлаштирган. Улар орасида Uzbekistan Airways авиакомпанияси, Beldersoy Resort курорти ва тўққизта сайёҳлик компанияси — Orient Voyages, CATS, Rovet DMC, Sezam Travel, People Travel, Asia Luxe Travel, Orient Expeditions, Sanat Travel Experts ва Ziyara Tour бор.
Экспозиция туризм соҳасининг турли йўналишларини, жумладан, авиақатновлар, саёҳатларни ташкил этиш, жойлаштириш ва дам олиш хизматларини қамраб олган.
Миллий стенднинг бош ҳамкори сифатида Beldersoy Resort иштирок этмоқда. Компания мамлакатнинг табиий манзаралари бағрида дам олиш имкониятларини тақдим этмоқда.
Самарқанд, Бухоро ва Хива бўйлаб анъанавий маданий-тарихий йўналишлардан ташқари, Ўзбекистон вакиллари хорижий иштирокчиларни гастрономик, табиат қўйнидаги ва фаол туризм имкониятлари билан ҳам таништирмоқда.
Бундай ёндашув мамлакатдаги туристик таклифларнинг хилма-хиллигини намойиш этиш ва турли қизиқишларга эга сайёҳларни жалб қилишга қаратилган.
WTM London кўргазмасида иштирок этиш ўзбекистонлик компанияларга хорижий ҳамкорлар билан музокаралар ўтказиш, туристик йўналишлар ва хизматларни тақдим этиш, қўшма таклифларни муҳокама қилиш ҳамда халқаро бозордаги иштирокини кенгайтириш имконини беради.
World Travel Market кўргазмаси туризм соҳасидаги халқаро майдонлардан бири бўлиб, у бизнес алоқаларини ўрнатиш ва ҳамкорликни ривожлантириш мақсадида соҳа вакилларини бирлаштиради.
