Ўзбекистонда Наврўз арафасида ободонлаштириш ва кўкаламзорлаштириш тадбирлари ўтказилади
Тошкент, Ўзбекистон (UzDaily.uz) — Ўзбекистон Республикаси Президентининг «2026 йилда умумхалқ байрами Наврўзни тайёрлаш ва ўтказиш тўғрисида»ги қарорига мувофиқ, мамлакатда анъанавий баҳор байрами кенг нишонланади.
Байрам арафасида республиканинг барча ҳудудларида ҳудудларни ободонлаштириш ва кўкаламзорлаштириш бўйича кенг кўламли тадбирлар ташкил этилади.
Жумладан, 13–14 март кунлари умуммиллий хайрия ҳашари ўтказилиши режалаштирилган. Унинг доирасида мамлакат шаҳар ва туманларидаги кўчалар ва майдонлар, маҳалла ҳудудлари ҳамда жамоат жойлари чиқиндилардан тозаланади.
Дарахтлар ва яшил ҳудудларга парвариш кўрсатишга алоҳида эътибор қаратилади.
Шунингдек, умуммиллий экологик «Яшил макон» лойиҳаси доирасида «Мен ҳам дарахт экишга ҳисса қўшаман» акцияси ҳам ўтказилади.
Тадбир давомида махсус ажратилган ҳудудларда дарахт ва буталар кўчатлари экилади.
Фуқаролар ушбу акцияларда фаол иштирок этишга ва аҳоли пунктларини ободонлаштириш ҳамда яшил ҳудудларни янада кенгайтиришга ўз ҳиссасини қўшишга чақирилмоқда.
