Zangiota tumanida omborda chiqqan yong‘in o‘chirildi

Toshkent, O’zbekiston (UzDaily.uz) — Toshkent viloyati Zangiota tumanida 31 avgust kuni “Al-Xorazmiy” mahallasi hududidagi omborlardan birida yong‘in sodir bo‘ldi. Yong‘in to‘liq bartaraf etildi, jabrlanganlar yo‘q. Bu haqda O‘zbekiston Favqulodda vaziyatlar vazirligi xabar berdi.

Yong‘in haqidagi xabar Favqulodda vaziyatlar boshqarmasiga soat 13:44 da kelib tushgan. Yong‘in-qutqaruv bo‘linmalari voqea joyiga tezkorlik bilan yetib borgan.

Soat 14:22 da yong‘inni lokalizatsiya qilishga erishilgan. Yong‘in soat 15:10 da to‘liq o‘chirilgan.

Hodisa oqibatida jabrlanganlar yo‘q.

Ayni paytda yong‘in kelib chiqish sabablari va yetkazilgan zarar miqdori aniqlanmoqda.