Xitoy qurilish vaziri Ni Xun boshchiligidagi delegatsiya O‘zbekistonga keldi

Toshkent, O‘zbekiston (UzDaily.uz) — Xitoy Xalq Respublikasi Uy-joy, qishloq va shahar qurilish vaziri Janob Ni Hong boshchiligidagi delegatsiya mamlakatimizga rasmiy tashrif bilan yetib keldi.

Mehmonlarni Qurilish va uy-joy kommunal xo‘jaligi vaziri o‘rinbosari Ozoda Jo‘rayeva kutib oldi.

Tashrif doirasida Janob Ni Hong Toshkent va Samarqand shaharlaridagi diqqatga sazovor bunyodkorlik obyektlari va zamonaviy infratuzilma loyihalari bilan tanishadi.

Ushbu tashrif O‘zbekiston va Xitoy o‘rtasidagi qurilish, shaharsozlik va kommunal xizmat ko’rsatish sohalaridagi hamkorlik aloqalarini mustahkamlashga xizmat qilishi shubhasiz.