Uzbekistan Airways Toshkent va Tel-Aviv o‘rtasidagi reyslarni qayta tiklamoqda

Toshkent, O‘zbekiston (UzDaily.uz) — Uzbekistan Airways aviakompaniyasi 2025 yil 1 iyuldan boshlab Toshkent — Tel-Aviv — Toshkent yo‘nalishi bo‘yicha muntazam reyslarni qayta tiklashini eʼlon qildi.

Aviatashuvchi rasmiy bayonotiga ko‘ra, ushbu sanadan boshlab reyslar odatiy tartibda amalga oshiriladi.

Eslatib o‘tamiz, ushbu yo‘nalishdagi parvozlar avvalroq Isroil va Eron o‘rtasidagi qurolli to‘qnashuv bilan bog‘liq mintaqaviy harbiy-siyosiy vaziyat keskinlashgani sababli vaqtincha to‘xtatilgan edi.

Hozirda vaziyat bosqichma-bosqich barqarorlashib borayotgani sababli, ikki davlat o‘rtasida havo qatnovi qayta tiklanmoqda.