Toshkentda ikkita Malibu-2 ishtirokida YTH sodir bo‘ldi

Toshkent, O‘zbekiston (UzDaily.uz) — Bugun tongda, taxminan soat 09:10 da poytaxtning Chilonzor tumanidagi Bunyodkor ko‘chasida ikkita Malibu-2 avtomobili ishtirokida YTH sodir bo‘ldi.

YTHda 01 U 929 VC davlat raqamli Malibu-2, uni boshqargan haydovchi U.M. (1998-yilda tug‘ilgan), va 30 Y 951 NB davlat raqamli Malibu-2, haydovchisi 2002-yilda tug‘ilgan shaxs ishtirok etgan.

To‘qnashuv natijasida 01 U 929 VC avtomobili haydovchisi (U.M.) va 30 Y 951 NB avtomobili yo‘lovchisi (M.M., 2002-yilda tug‘ilgan) jarohat olib, tibbiy yordam ko‘rsatilgan.

Hodisa bo‘yicha tafsilotlar aniqlanmoqda. Tekshiruv Toshkent shahar IIV Yo‘l harakati xavfsizligi boshqarmasi tomonidan olib borilmoqda.