Stokgolm shahrida O'zbekiston elchisi Shvetsiya tashqi ishlar vaziri bilan uchrashdi

Toshkent, O‘zbekiston (UzDaily.uz) — O'zbekiston elchisi Rahmatulla Nurimbetov Shvetsiya tashqi ishlar vaziri Mariya Malmer Stenergard bilan uchrashdi, deb xabar qilmoqda "Dunyo" AA muxbiri.

Muloqot chog'ida ikki tomonlama hamkorlikni, xususan, savdo-iqtisodiy sohadagi salohiyatdan yana-da samarali foydalanish, sanoat va texnologik kooperatsiya, "yashil" va aylanma iqtisodiyot hamda innovatsiyalar va madaniy-gumanitar aloqalarni rag'batlantirish orqali kengaytirish istiqbollari muhokama qilindi.

Tomonlar, shuningdek, Markaziy Osiyoda kechayotgan mintaqaviy jarayonlar yuzasidan ham fikr almashdilar.