Qozog‘iston O‘zbekistonga yangi elchi tayinladi

Toshkent, O’zbekiston (UzDaily.uz) — Qozog‘iston Prezidenti Qosim-Jomart Toqayev Yerali Tug‘janovni Qozog‘iston Respublikasining O‘zbekistondagi Favqulodda va Muxtor Elchisi etib tayinladi. Bu haqda davlat rahbari tomonidan tegishli farmon imzolandi.

Yangi tayinlovga qadar Yerali Tug‘janov 2024 yil may oyidan buyon Qozog‘iston Bosh vazirining maslahatchisi lavozimida faoliyat yuritib kelgan.

U Qozog‘istonning O‘zbekistondagi diplomatik vakolatxonasi rahbari lavozimida 2022 yil oktyabr oyidan beri elchixonaga rahbarlik qilib kelgan Beybut Atamqulov o‘rnini egalladi.