“O‘ztemiryo‘lkonteyner” 250 ta yangi konteyner sotib oldi

Toshkent, O’zbekiston (UzDaily.uz) — “O‘ztemiryo‘lkonteyner” AJ kompaniyaning 2025–2030 yillarga mo‘ljallangan rivojlanish strategiyasini amalga oshirish doirasida 250 ta yangi 40 HC turidagi katta tonnajli konteyner sotib oldi. Yangi konteynerlar asosan Xitoy — O‘zbekiston — Xitoy yo‘nalishi bo‘ylab eksport-import yuklarini tashishda foydalanish rejalashtirilmoqda. Bu haqda “O‘ztemiryo‘lkonteyner” AJ xabar berdi.

Kompaniyaning rivojlanish strategiyasi zamonaviy katta tonnajli 1 000 ta konteynerdan iborat parkni kengaytirishni nazarda tutadi. 250 ta konteynerni xarid qilish ushbu vazifani amalga oshirishning navbatdagi bosqichi bo‘ldi.

Kompaniya maʼlum qilishicha, yangi konteynerlar tashish imkoniyatlarini oshirish, mavjud parkni yangilash hamda xalqaro yo‘nalishlarda konteyner tashuvlarining barqarorligini taʼminlash imkonini beradi.

Kelgusida “O‘ztemiryo‘lkonteyner” Xitoy va O‘zbekiston o‘rtasidagi yuk oqimlariga xizmat ko‘rsatish uchun yangi quvvatlardan samarali foydalanishni rejalashtirmoqda.

Kompaniya, shuningdek, kompleks transport-logistika xizmatlarini rivojlantirish, xalqaro konteyner tashuvlari geografiyasini kengaytirish va transport xarajatlarini optimallashtirish bo‘yicha ishlarni davom ettirmoqda.