O‘zbekiston TIV Yaponiya elchisi bilan hamkorlikni rivojlantirishni muhokama qildi

Toshkent, O’zbekiston (UzDaily.uz) — O‘zbekiston tashqi ishlar vaziri o‘rinbosari Mirvohid Azimov 8 sentyabr kuni Yaponiyaning O‘zbekistondagi Favqulodda va muxtor elchisi Kenji Xirata bilan uchrashuv o‘tkazdi.

Tomonlar O‘zbekiston va Yaponiya munosabatlarining kun tartibidagi joriy masalalarini, shuningdek, ikki tomonlama hamkorlikni yana-da rivojlantirish istiqbollarini ko‘rib chiqdi.

Uchrashuvda oliy darajada erishilgan kelishuvlarni amalga oshirishga alohida eʼtibor qaratildi. Uchrashuv yakunlari bo‘yicha tomonlar ushbu yo‘nalishda yaqin hamkorlikni davom ettirishga kelishib oldi.

Bundan tashqari, O‘zbekiston va Yaponiya vakillari joriy yilda o‘tkazilishi rejalashtirilgan qo‘shma tadbirlarga tayyorgarlik masalalarini muhokama qildi.