O'zbekiston China Coal bilan ko'mir qazib olish va qayta ishlash texnologiyalarini muhokama qildi

Toshkent, O‘zbekiston (UzDaily.uz) — Togʻ-kon sanoati va geologiya vaziri oʻrinbosari R.Yusupov hamda China Coal Resources Development Group kompaniyasi vakillari bilan uchrashuv boʻlib oʻtdi.

China Coal Resources Development Group vakillari koʻmir qazib chiqarish va qayta ishlashda zamonaviy texnologiyalar asosida samaradorlikni oshirish, energetika sohasiga integratsiya, innovatsiyalar va transformatsiya boʻyicha ilgʻor texnologiyalar ishlab chiqish takliflarini berdilar.

Uchrashuv yakunida hamkorlikni kengaytirish, qoʻshma loyihalarni amalga oshirish va kelgusidagi aloqalarni mustahkamlash borasida fikr almashildi.