O‘zbekiston 2026 yil boshida 1,2 ming tonna guruch eksport qildi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2026 yil yanvar–mart oylarida O‘zbekiston umumiy qiymati 554,9 ming AQSH dollariga teng bo‘lgan 1,2 ming tonna guruch eksport qildi.

Mahsulot yetkazib berish ishlari beshta xorijiy davlatga amalga oshirildi.

O‘zbekiston guruchining asosiy importchisi Tojikiston bo‘lib, ushbu mamlakatga 780,5 tonna mahsulot yetkazib berilgan. Keyingi o‘rinlarda Qirg‘iz Respublikasi — 197 tonna va Qozog‘iston — 183,9 tonna bilan qayd etilgan.

Shuningdek, kichik hajmdagi eksport Afg‘onistonga 24 tonna va Litvaga 20 tonna miqdorida amalga oshirilgan.