«Navoiy azot»da portlash: bir kishi halok bo‘ldi, 11 nafar jabrlandi

Toshkent, O‘zbekiston (UzDaily.uz) — 11 mart kuni soat 14:10 da Navoiy shahridagi «Navoiy azot» AJ hududida 25-sex laboratoriyasida gaz-havo aralashmasi portladi. Bu haqda O‘zbekiston FVV matbuot xizmati xabar bermoqda.

Portlash oqibatida yong‘in kelib chiqqan, yong‘in-qutqaruv guruhlari uni soat 14:20 da mahalliylashtirib, 14:50 da to‘liq bartaraf etgan.

Hodisa natijasida bir kishi halok bo‘ldi, 11 nafar shaxs tan jarohati oldi. Jabrlanganlarga malakali tibbiy yordam ko‘rsatilmoqda.

Hodisa yuzasidan dastlabki tergov harakatlari olib borilmoqda.