Toshkent, O’zbekiston (UzDaily.uz) — Oʻzbekiston Respublikasi Prezidenti Shavkat Mirziyoyev TXIF doirasida Oʻzbekiston – Saudiya Ishbilarmonlar kengashi hamraisi, “ACWA” kompaniyasi boshqaruvi raisi Muhammad Abunayyanni qabul qildi.
Ushbu mamlakat ishbilarmonlari bilan hamkorlikni yanada kengaytirish va ustuvor loyihalarni amalga oshirish masalalari koʻrib chiqildi.
Saudiyaning “ACWA” va boshqa kompaniyalari bilan sermahsul sheriklik yoʻlga qoʻyilgani mamnuniyat bilan qayd etildi. Bu borada Toshkent investitsiya forumi doirasida yana bir qator kelishuvlarga erishilgan.
Uchrashuvda “yashil” energetika, sogʻliqni saqlash, transport, infratuzilma, turizm va boshqa yoʻnalishlardagi loyihalarni jadallashtirishga alohida eʼtibor qaratildi.
