Markaziy bank Oʻzbekiston kapital bozorida ishtirok etishni muhokama qildi

Toshkent, O‘zbekiston (UzDaily.uz) — Toshkent” Respublika fond birjasi rahbariyati Raiffeisen Bank International AG (RBI) vakillari bilan uchrashuv o‘tkazdi.

Uchrashuv davomida kapital bozorini rivojlantirish, zamonaviy moliyaviy yechimlarni joriy etish hamda xorijiy investorlarni jalb qilish masalalari muhokama qilindi.

RBI O‘zbekiston kapital bozorida kastodian sifatida ishtirok etish imkoniyatini ko‘rib chiqilayotgani, shuningdek mahalliy brokerlar orqali fond birjasida faoliyat yuritishni rejalashtirilayotgani qayd etildi.

Shuningdek, tomonlar milliy kapital bozori likvidliligini oshirish, investorlar bazasini kengaytirish hamda qimmatli qog‘ozlar bilan bog‘liq hisob-kitob, saqlash va xizmat ko‘rsatish jarayonlariga ilg‘or xalqaro amaliyotlarni joriy etish masalalari yuzasidan fikr almashdilar.

Raiffeisen Bank International AG (RBI) — Raiffeisen Banking Groupning markaziy muassasasi bo‘lib, Markaziy va Sharqiy Yevropa bozorlarida katta tajribaga ega. Bank markaziy depozitariylar bilan to‘g‘ridan to‘g‘ri integratsiya qilish, shuningdek xalqaro mijozlarga kastodial xizmatlar ko‘rsatish imkoniyatlariga ega.