Toşkent, Özbekiston (UzDaily.uz) — “Kvars” kompaniyasi 2026 yilning dastlabki to‘qqiz oyi yakunlariga ko‘ra, 28,3 mlrd so‘m sof foyda oldi. 2025 yilning shu davrida esa kompaniya 15,6 mlrd so‘m sof zarar ko‘rgan edi.
Kapdepo hisob-kitoblariga ko‘ra, kompaniyaning sof moliyaviy natijasi o‘tgan yilga nisbatan 281,2 foizga yaxshilangan. “Kvars”ning yanvar–sentyabr oylaridagi tushumi 34,6 foizga oshib, 519,4 mlrd so‘mga yetdi. Yalpi foyda esa 98,6 mlrd so‘mdan 143,5 mlrd so‘mga ko‘tarildi.
To‘qqiz oy davomida olingan sof foydaning asosiy qismi uchinchi chorak hissasiga to‘g‘ri keldi. Iyul–sentyabr oylarida kompaniya 22,4 mlrd so‘m sof foyda oldi. Biroq bu natija 2025 yilning uchinchi choragidagi ko‘rsatkichdan 28 foizga kam.
“Kvars” aktivlari 517,6 mlrd so‘mni tashkil etdi. Bu o‘tgan yilning mos davriga nisbatan 14,4 foizga kam. Aksincha, kompaniya kapitali 20 foizga oshib, 265,8 mlrd so‘mga yetdi.
Taqsimlanmagan foyda hanuz manfiy bo‘lib, minus 70,8 mlrd so‘mni tashkil etmoqda. Kapdepo maʼlumotlariga ko‘ra, ushbu ko‘rsatkich 38,9 foizga yaxshilangan.
