Farg‘ona NQZ: yangi yuklash terminali va SAP — to‘liq raqamli shaffoflik va ishonchlilikka qadam
Toshkent, O‘zbekiston (UzDaily.uz) — Farg‘ona neftni qayta ishlash zavodida ishlab chiqarish va logistika jarayonlarini samarador va shaffof tarzda tashkil etishga qaratilgan keng ko‘lamli transformatsiya dasturi amalga oshirilmoqda.
Ushbu jarayonning muhim bosqichlaridan biri — zamonaviy yuklash terminali va SAP raqamli platformasini joriy etish bo‘ldi. Ushbu tizim yordamida neft mahsulotlarini yuklashning barcha bosqichlari — arizani ro‘yxatdan o‘tkazishdan tortib, transport vositalarining korxona hududidan chiqishigacha — avtomatlashtirilgan holda nazorat qilinadi.
Tizimni boshqarish SEG kompaniyasining tarkibiy tuzilmasi — TASCO tomonidan amalga oshirilmoqda. Jarayonlarni to‘liq raqamlashtirish orqali qo‘ldagi aralashuv ehtiyoji bartaraf etildi, bu esa operatsiyalar shaffofligini oshirdi, xato va kamchiliklar xavfini kamaytirdi hamda sheriklar uchun xizmat sifatini yana-da yaxshiladi.
SEG TASCO tijorat departamenti boshlig‘i Faxriddin Turabjanov taʼkidlaganidek:
«Bizning maqsad — mahsulot harakatidagi har bir bosqichda to‘liq shaffoflik va xolislikni taʼminlash. Bu — hamkorlarimiz va jamiyat ishonchi uchun muhim asosdir».
