Тошкент, Ўзбекистон (UzDaily.uz) — Ўзбекистон ҳуқуқни муҳофаза қилувчи органлари вакиллари Беларусда учувчисиз учиш аппаратларидан фойдаланиш бўйича ўқув курсини тамомлади. Машғулотлар Беларус Ички ишлар вазирлиги академиясининг Халқаро ўқув маркази базасида ташкил этилди.
«Учувчисиз учиш аппаратларидан фойдаланиш» курсида Ўзбекистон Божхона қўмитаси вакили О. Олимжонов иштирок этди. Дастур назарий машғулотлар ва амалий тайёргарликни ўз ичига олди.
Иштирокчилар учувчисиз аппаратларни бошқариш, навигация, реал вақт режимидаги кинематика ҳамда кўп моторли платформалар аэродинамикасини ўргандилар. Шунингдек, дастур учувчисиз тизимларни қўллаш билан боғлиқ бошқа йўналишларни ҳам қамраб олди.
Ўқув жараёнида иштирокчилар амалий парвозларни бажариб, назарий машғулотларда олган билимларини амалда синаб кўрдилар.
Дастур якунида ўқувда иштирок этган делегация ўтказилган машғулотлар ва эришилган натижаларни юқори баҳолади.