Xorijiy investitsiyalar ishtirokidagi korxonalar qaysi sohalarda faoliyat yuritadi?

Toshkent, O’zbekiston (UzDaily.uz) — 2026 yil 1 avgust holatiga ko‘ra, O‘zbekistonda xorijiy investitsiyalar ishtirokidagi 20 973 ta korxona faoliyat yuritgan. Milliy statistika qo‘mitasi maʼlumotlariga ko‘ra, ularning eng ko‘p qismi savdo va sanoat sohalariga to‘g‘ri keladi.

Savdo sohasida xorijiy investitsiyalar ishtirokidagi 7 450 ta korxona faoliyat yuritgan. Bu iqtisodiy faoliyat turlari orasidagi eng yuqori ko‘rsatkich hisoblanadi. Sanoat sohasida esa bunday korxonalar soni 4 098 tani tashkil etgan.

Shuningdek, axborot va aloqa sohasida 1 764 ta korxona faoliyat olib borgan. Qurilish sohasida xorijiy investitsiyalar ishtirokidagi 1 732 ta korxona qayd etilgan.

Yana 920 ta korxona yashash va ovqatlanish bo‘yicha xizmatlar sohasida, 646 tasi tashish va saqlash sohasida ishlagan. Qishloq, o‘rmon va baliqchilik xo‘jaligi sohasiga 532 ta korxona to‘g‘ri kelgan.

Sog‘liqni saqlash va ijtimoiy xizmatlar sohasida xorijiy investitsiyalar ishtirokidagi 241 ta korxona faoliyat yuritgan. Yana 3 590 ta korxona iqtisodiy faoliyatning boshqa turlari bilan shug‘ullangan.

Shunday qilib, savdo va sanoat sohalarida jami 11 548 ta korxona faoliyat yuritgan bo‘lib, bu xorijiy investitsiyalar ishtirokidagi korxonalar umumiy sonining qariyb 55,1 foizini tashkil etgan.