Xitoyning Shandun shahri EPC shartnomasi boʻyicha Toshkentdagi ikkita podstansiyani modernizatsiya qiladi

Toshkent, O‘zbekiston (UzDaily.uz) — “O‘zbekiston milliy elektr tarmoqlari” AJ va Xitoyning “Shandong Electrical Engineering & Equipment Group Co., Ltd.” kompaniyasi o‘rtasida Toshkent shahridagi 220 kV kuchlanishli “Zafar” va “Fayziobod” podstansiyalarini loyihalashtirish, yetkazib berish va o‘rnatish (EPC) ishlari bo‘yicha shartnoma imzolandi.

Loyihaning asosiy maqsadi — ushbu podstansiyalarni zamonaviy elegaz izolyatsiyali komplekt taqsimlovchi qurilma (KRUE) podstansiyalariga aylantirishdir.

Loyiha amalga oshirilishi natijasida quyidagi ustuvor natijalarga erishiladi:

• inson omilining ta’sirini minimallashtirish;
• tashqi iqlim sharoitlarining salbiy ta’sirini kamaytirish;
• ekspluatatsiya va texnik xizmat ko‘rsatuvchi xodimlarning xavfsizligini oshirish;
• podstansiyalarning ishonchli ishlashini ta’minlash;
• atrof-muhitga salbiy ta’sirni kamaytirish;
• podstansiyalarning zamonaviy estetik ko‘rinishini shakllantirish;
• ish faoliyatini optimallashtirish;
• ilg‘or texnologiyalar asosida ishlab chiqarilgan zamonaviy uskunalardan foydalanish.

Mazkur loyiha O‘zbekiston energetika tizimini zamonaviylashtirish va uning barqaror ishlashini ta’minlashga xizmat qiladi.