Toshkent—Nurafshon yo‘lida harakat vaqtincha cheklanadi

Toshkent, O’zbekiston (UzDaily.uz) — 21 iyuldan Toshkent va Nurafshonni bog‘lovchi D-002 avtomobil yo‘lining bir qismida barcha turdagi transport vositalari harakati to‘liq cheklanadi. Cheklovlar yo‘l-qurilish ishlari olib borilishi munosabati bilan joriy etiladi.

Masʼul xizmatlar maʼlum qilishicha, harakat Yangi ko‘prikdan boshlanadigan yo‘lning 4-kilometridan “Avangard” mahallasi hududidagi 9-kilometrgacha bo‘lgan qismida to‘liq to‘xtatiladi.

Haydovchilarga yo‘nalishni oldindan rejalashtirish, aylanma yo‘llardan foydalanish, shuningdek vaqtinchalik yo‘l belgilari talablari va yo‘l xizmati xodimlarining ko‘rsatmalariga amal qilish tavsiya etildi.

Shuningdek, avtomobilistlardan vaqtinchalik noqulayliklarga tushunish bilan munosabatda bo‘lish va Yo‘l harakati qoidalariga qatʼiy rioya qilish so‘raldi.