Strategik rivojlanish agentligiga yangi rahbarlar tayinlandi

Toshkent, O’zbekiston (UzDaily.uz) — O‘zbekiston Respublikasi Prezidenti huzuridagi Strategik rivojlanish va islohotlar agentligida kadrlar tayinlovi amalga oshirildi. Tegishli farmoyishlar Prezident Administratsiyasi rahbari tomonidan imzolandi.

Hujjatga muvofiq, Abdulla Abduqodirov O‘zbekiston Respublikasi Prezidenti huzuridagi Strategik rivojlanish va islohotlar agentligi direktorining birinchi o‘rinbosari lavozimiga tayinlandi.

Boshqa bir farmoyishga asosan Tohirjon Safarov Strategik rivojlanish va islohotlar agentligi direktorining o‘rinbosari etib tayinlandi.

Yangi lavozimga tayinlangani munosabati bilan Tohirjon Safarov O‘zbekiston Respublikasi Prezidenti Administratsiyasi Huquqiy ekspertiza va kompleks tahlil departamenti sektor mudiri lavozimidan ozod etildi.