Sergey Irjavskiy M Cosmetic‘ning O‘zbekistondagi rahbari etib tayinlandi

Toshkent, O‘zbekiston (UzDaily.uz) — “Magnit” chakana savdo tarmog‘i matbuot xizmati maʼlumotiga ko‘ra, M Cosmetic kompaniyasining O‘zbekistondagi yangi bosh direktori etib Sergey Irjavskiy tayinlandi.

Ushbu lavozimga tayinlanishidan oldin Irjavskiy “Tabris” savdo tarmog‘iga rahbarlik qilgan, shuningdek, “Sber” va “Pyatyorochka” tarmog‘ida faoliyat yuritgan.

Yangi lavozimida u M Cosmetic‘ning O‘zbekistondagi ishtirokini kengaytirish, assortimentni rivojlantirish va mijozlarga xizmat ko‘rsatish sifatida yaxshilashga eʼtibor qaratadi.

Kompaniyaning avvalgi rahbari Denis Kosachenko esa o‘z faoliyatini “Magnit”dan tashqarida davom ettirishga qaror qildi.