Rossiyadagi o‘zbekistonliklarga Vatanga qaytishda yordam beriladi
Toshkent, O’zbekiston (UzDaily.uz) — Rossiyada bo‘lib, og‘ir moliyaviy ahvol yoki boshqa murakkab holatlar sababli O‘zbekistonga qayta olmayotgan fuqarolar Migratsiya agentligining Rossiya Federatsiyasidagi vakolatxonasiga murojaat qilishi mumkin. Bu haqda O‘zbekiston Migratsiya agentligi xabar berdi.
Vakolatxona va agentlikning hududiy vakillari sutka davomida uzluksiz ishlaydi. Har bir murojaat alohida ko‘rib chiqiladi va zarur hollarda fuqarolarga amaliy yordam ko‘rsatiladi.
Agentlik maʼlum qilishicha, belgilangan tartibda O‘zbekistonga qaytish bilan bog‘liq transport xarajatlari qoplab berilishi mumkin.
Siz 24 soatlik qo‘ng‘iroqlar markaziga +7 (499) 230-00-32 va +7 (499) 230-00-76 raqamlari orqali murojaat qilishingiz mumkin. Shuningdek, 24 soatlik ishonch telefoni +7 (925) 045-47-44 raqamlari orqali ham mavjud.
Agentlikning Sankt-Peterburg, Yekaterinburg, Samara, Novosibirsk, Krasnodar va Vladivostok shaharlarida hududiy vakillari faoliyat yuritadi.
Sankt-Peterburgda +7 (951) 680-95-97 va +7 (965) 772-70-79, Yekaterinburgda +7 (936) 251-76-21 va +7 (922) 186-35-66, Samarada esa +7 (925) 750-87-57 raqamlari orqali murojaat qilish mumkin.
Novosibirskda +7 (925) 743-89-03 va +7 (932) 327-00-04, Krasnodarda +7 (918) 173-00-09, Vladivostokda esa +7 (964) 431-16-16 raqamlari ishlaydi.
Agentlik Rossiyada Vatanga qaytish jarayonida moliyaviy yoki boshqa jiddiy qiyinchiliklarga duch kelgan O‘zbekiston fuqarolari va ularning yaqinlarini yordam so‘rab murojaat qilishni kechiktirmaslikka chaqirdi.
