Parkent va Toshkent o‘rtasida elektropoyezd qatnovi yo‘lga qo‘yildi

Toshkent, O’zbekiston (UzDaily.uz) — 7 rkent va Toshkent o‘rtasida zamonaviy shaharlararo elektropoyezd qatnay boshladi. Poyezd Parkent — Toshkent — Parkent yo‘nalishida harakatlanadi. Bu haqda «O‘zbekiston temir yo‘llari» AJ matbuot xizmati xabar berdi.

Poyezd 1154 nafargacha yo‘lovchini tashishga mo‘ljallangan. Vagonlarda 586 ta o‘tirish uchun joy mavjud. Poyezd yo‘nalishni 50 daqiqada bosib o‘tadi.

Kattalar uchun yo‘l haqi 10 ming so‘m etib belgilangan. 10 yoshgacha bo‘lgan bolalar uchun chipta narxi 6,5 ming so‘mni tashkil etadi.

Yangi qatnov Toshkent viloyatida «Baytqo‘rg‘on — Parkent» temir yo‘l liniyasi qurilishi yakunlanganidan so‘ng yo‘lga qo‘yildi. Loyiha bo‘yicha ishlar 2025 yil yanvar oyida boshlangan.

Qurilish doirasida uzunligi 24 kilometr bo‘lgan elektrlashtirilgan temir yo‘l liniyasi barpo etildi. Shuningdek, uchta temir-beton ko‘prik, avtomobil yo‘l o‘tkazgichi va 76 ta suv o‘tkazish inshooti qurildi.

Loyiha doirasida avtomobil va temir yo‘llar kesishadigan 16 ta chorraha qurildi. Bundan tashqari, Parkentda 50 o‘ringa mo‘ljallangan yangi temir yo‘l vokzali barpo etildi.

Elektropoyezd qatnovining yo‘lga qo‘yilishi Parkentning Toshkent viloyatidagi dam olish maskani sifatida rivojlanishiga hissa qo‘shishi va tumanning turistik salohiyatini kengaytirish imkonini berishi kutilmoqda.

Yangi temir yo‘l qatnovi, shuningdek, Parkent va Toshkent o‘rtasida qo‘shimcha transport aloqasini yaratadi hamda yo‘nalishdagi safar vaqtini 50 daqiqagacha qisqartiradi.