“Oʻzcharmsanoat” va Pokistonning “Alliance Plus” kompaniyasi sport mahsulotlarini yaratdi
Toshkent, O‘zbekiston (UzDaily.uz) — "O'zcharmsanoat" uyushmasi va Pokistonning “ALLIANCE PLUS CO.” kompaniyasi o‘rtasida uchrashuv bo‘lib o‘tdi.
Muloqotda O‘zbekistonda sport mahsulotlari ishlab chiqarish bo‘yicha qo‘shma loyiha muhokama qilindi.
Suhbat davomida texnologiyalarni joriy etish, ishlab chiqarishni mahalliylashtirish, mutaxassislarni tayyorlash va eksportbop tayyor mahsulot hajmini oshirish masalalari bo‘yicha kelishuvga erishildi.
Mazkur tashabbus O‘zbekistonda sport anjomlarini raqobatbardosh tarzda ishlab chiqarishni yo‘lga qo‘yish hamda yangi ish o‘rinlari yaratishga xizmat qiladi.
