Oʻzbekiston va Moʻgʻuliston savdo aylanmasini oshirishga kelishib oldilar

Toshkent, O‘zbekiston (UzDaily.uz) — Toshkentda O‘zbekiston va Mo‘g‘ulistonning 70 dan ortiq kompaniyalari ishtirokida biznes-forum bo‘lib o‘tdi.

Delegatsiyalarga ISSV vaziri o‘rinbosari Ilzat Kasimov, Mo‘g‘ulistonning O‘zbekistondagi Favqulodda va muxtor elchisi Dadandxu Batbaatar hamda Mo‘g‘uliston parlamenti deputati Suxbaatar Erdenebat rahbarlik qildilar.

Tomonlar joriy yilning birinchi choragida O‘zbekistonning Mo‘g‘ulistonga eksporti 15,6 foizga oshganini qayd etib, o‘zaro tovar ayirboshlash hajmini 100 million dollarga yetkazishni maqsad qildilar.

Mo‘g‘uliston jun va kashmiri mahsulotlarini O‘zbekistonda qayta ishlash va eksport qilish bo‘yicha sanoat kooperatsiyasiga alohida e'tibor berildi. Agrosektorda 2029-yilga qadar respublikadagi mo‘g‘ul qo‘ylari bosh sonini 1 milliontaga yetkazish hamda Mo‘g‘ulistonda O‘zbekiston sug‘orish tizimlarini joriy qilish rejalashtirilgan.

Muzokaralarda O‘zbekiston - Qirg‘iziston - Xitoy - Mo‘g‘uliston koridori bo‘ylab yuk tashuvlarini yo‘lga qo‘yish masalalari muhokama qilindi. Geologiya sohasida esa O‘zbekistonning tegishli vazirligi Ulan-Bator shahridagi vakolatxonasi orqali konlarni o‘zlashtirish bo‘yicha amaliy ishlarni boshladi.

Suzur Health Med, Prime Nomadic Meat, Tsamkhag Construction va boshqa kompaniyalarning B2B hamda G2B uchrashuvlari natijasida yangi investitsiya loyihalari shakllantirildi. Forum yakunida qo‘shma tashabbuslarni doimiy ravishda qo‘llab-quvvatlash qilish mexanizmi yaratildi.