Toshkent, O‘zbekiston (UzDaily.uz) — O‘zbekiston Markaziy banki bir foydalanuvchi tomonidan ochilishi mumkin bo‘lgan bank kartalari soniga vaqtinchalik cheklov o‘rnatdi.

Yangi tartibga ko‘ra, bir fuqaro bir bankda 5 tagacha kartaga, umumiy hisobda esa barcha banklarda 20 tagacha kartaga ega bo‘lishi mumkin.

Cheklov faqat milliy valyutadagi kartalarga tegishli bo‘lib, chet el valyutasida ochilgan kartalar istisno qilinadi. Bu tartibga jismoniy, virtual va kobeydjing kartalari uchun amal qiladi.

Shuningdek, banklar 12 oy davomida operatsiya amalga oshirilmagan kartalarni bloklashga majbur. Bloklashdan oldin, bank karta egasini xabardor qilishi shart.

Markaziy bank ushbu chora firibgarlikning oldini olish va bank kartalaridan shubhali amaliyotlarda foydalanish xavfini kamaytirish maqsadida joriy etilganligini ta’kidladi.

2024-yil noyabr oyi oxirida Markaziy bank fuqarolarning katta miqdorda, ko‘pincha ularning xabari bo‘lmagan holda, ochilgan kartalardan firibgarlikda foydalanish holatlari aniqlanganini ma’lum qilgandi.

2024-yil 1-noyabr holatiga ko‘ra, muomalada 54,9 milliondan ortiq bank kartasi bo‘lgan, dekabr oyi boshida esa ularning soni 56,9 milliondan oshgan.

Yangi tartib 2025-yilning 1-yanvaridan 31-dekabrigacha amal qiladi va faqat banklar uchun xizmat ko‘rsatuvchi mexanizm sifatida joriy etilgan.