Olmaliqda YTHda bola halok bo‘ldi, ikkinchisi shifoxonada

Toshkent, O‘zbekiston (UzDaily.uz) — Toshkent viloyati Olmaliq shahrida 12 may kuni soat 14:00 atrofida yo‘l-transport hodisasi sodir bo‘ldi, oqibatda bir bola halok bo‘ldi, yana bir bola jarohat olib shifoxonaga yotqizildi. Bu haqda rasmiy manbalar xabar qildi.

Maʼlumotlarga ko‘ra, hodisa A. Temur ko‘chasida yuz bergan bo‘lib, 23 yoshli haydovchi 2017 yilda tug‘ilgan ikki bolani urib yuborgan. Ular yo‘lning piyodalar o‘tish qismi orqali kesib o‘tayotgan bo‘lgan.

Oqibatda jabrlangan bolalardan biri og‘ir jarohat olib, tibbiyot muassasasida vafot etgan.

Ikkinchi bola shifoxonaga yetkazilgan, uning holati aniqlanmoqda.

YTH bo‘yicha jinoyat ishi qo‘zg‘atilgan, hodisa holatlari bo‘yicha tergov olib borilmoqda.