Toşkent, Özbekiston (UzDaily.uz) — IT Park Uzbekistan va AQŞning Lincoln Labs texnologik kompaniyasi loyihasi bölgan Truss Özbekistonda Employer of Record (EOR) modelini qöllaş böyiça pilot loyihani işlab çiqadi.
Tomonlar Özbekistondan muhandislik jamoalarini şakllantiriş, mutaxassislarni xalqaro miqyosda işga yollaş va Amerika kompaniyalari faoliyatini kengaytiriş uçun maydon sifatida foydalaniş imkoniyatlarini muhokama qildi. Bu haqda IT Park Uzbekistan xabar berdi.
Uçraşuvda IT Park eksportni rivojlantiriş boşqarmasi rahbari Azamat Rahmon-Zoda, global biznes xizmatlari (GBS) yönalişi vakillari, şuningdek, Lincoln Labs vakili Erik Jiru hamda Truss vakili Ilhom Ikromov iştirok etdi.
EOR modeli kompaniyalarga mamlakatda öz yuridik şaxsini taşkil etmasdan, rasmiy iş beruvçi orqali mutaxassislarni işga yollaş imkonini beradi.
Tomonlar xorijiy mutaxassislarni jalb qiliş, masofadan işlaş va Özbekistondan taşqarida faoliyat yuritayotgan xodimlarga iş haqi tölaşni öz içiga olgan turli işga joylaştiriş şakllarini körib çiqdi.
Şuningdek, modelni amalga oşirişning huquqiy şartlari, jumladan, Prezidentning 286-son farmoni qoidalari alohida muhokama qilindi. Truss bilan amalga oşiriladigan pilot loyiha EOR mexanizmining amaliyotda qanday işlaşini körsatişi kerak.
Lincoln Labs texnologik konsalting yönalişini rivojlantirmoqda va yangi bozorlarni sinab köriş uçun kiçik dasturçilar jamoasini taşkil etiş imkoniyatini körib çiqmoqda.
Özbekiston kompaniya uçun ehtimoliy maydonlardan biri hisoblanadi. Lincoln Labs kompaniyasining hammuassisi va texnik direktori Farrux Umarov Özbekistondan çiqqan. Truss esa xalqaro kompaniyalarga muhandislarni topiş, işga yollaş va ularni jamoalarga integratsiya qilişda yordam beradi.
IT Park vakillari milliy IT-ekotizim, rezidentlarning xalqaro buyurtmaçilar, jumladan, UFC, HBO va ESPN bilan işlaş tajribasi hamda xorijiy kompaniyalarni qöllab-quvvatlaş mexanizmlari, şu jumladan, Softlanding dasturi haqida ma’lumot berdi.
Tomonlar Amerika bozoridagi hamkorlik masalalarini ham muhokama qildi. Truss IT Park‘ka ehtimoliy xorijiy rezidentlar bilan aloqalar örnatişda yordam berişga va Amerika kompaniyalarini Özbekistonda biznes yuritiş şartlari bilan taniştirişga tayyorligini bildirdi.
Lincoln Labs va Truss vakillari 2027 yil bahorida Özbekistonda ötkazilişi rejalaştirilgan Offşore Outsourcing Tour tadbirida iştirok etişga taklif qilindi.
