Fathulla Nig‘monov Toshkent hokimi maslahatchisi bo‘ldi

Toshkent, O’zbekiston (UzDaily.uz) — Fathulla Nig‘monov Toshkent shahar hokimligining axborot-tahliliy guruhi rahbari hamda poytaxt hokimining maslahatchisi etib tayinlandi.

Fathulla Nig‘monov 1984 yilda Toshkent shahrida tug‘ilgan. U 2012 yilda Toshkent arxitektura-qurilish institutini «Geodezik hisob-kitoblar va boshqa sohalarda muhandislik ishi» mutaxassisligi bo‘yicha tamomlagan.

Tayinlovga qadar u Toshkent shahar hududiy saylov komissiyasi raisi o‘rinbosari lavozimida faoliyat yuritgan.

Mehnat faoliyati davomida Nig‘monov Yunusobod tumani hokimligida turli masʼul lavozimlarda ishlagan.

Keyinchalik u Bektemir tumani hokimining birinchi o‘rinbosari lavozimida faoliyat yuritgan, shuningdek, maʼlum muddat tuman hokimi vazifasini vaqtincha bajargan.