Namanganda xalqaro payvandlash maktabi ochiladi
Toshkent, O’zbekiston (UzDaily.uz) — Migratsiya agentligi hamda Slovakiyaning nufuzli Welding Research Institute (VÚZ) instituti o‘rtasida amaliy hamkorlik kelishuvi imzolandi.
VÚZ — 75 yillik tajribaga ega, payvandlash sohasida Yevropa va xalqaro darajada tan olingan Slovakiyaning yetakchi ilmiy-tadqiqot instituti bo‘lib, IIW va EWF tizimlari bo‘yicha xalqaro sertifikatlash vakolatiga ega.
Kelishuvga ko‘ra, endilikda Namanganda ham zamonaviy xalqaro payvandlash maktabi ochiladi.
Unda:
Slovakiya va Yevropa mamlakatlaridan malakali mutaxassislarni jalb qilgan xolda xalqaro standartlar asosida payvandlash yo‘nalishlari o‘qitiladi;
bitiruvchilar IIW/EWF xalqaro sertifikatini oladi va rivojlangan mamlakatlarda yuqori daromadli ish o‘rinlari bilan taʼminlanadi.
