Хусанов дунёнинг энг яхши U23 футболчилари рейтингига кирди

Тошкент, Ўзбекистон (UzDaily.uz) — Ўзбекистон миллий терма жамоаси ва Англиянинг «Манчестер Сити» клуби ҳимоячиси Абдуқодир Хусанов CIES Football Observatory талқинига кўра 23 ёшгача бўлган дунёнинг энг яхши футболчилари рўйхатига киритилди.

Халқаро спорт тадқиқотлари маркази сўнгги олти ойдаги натижалар асосида 67 та миллий лигада тўп сураётган футболчиларни баҳолади.

Рейтингни шакллантиришда статистик кўрсаткичлар, мусобақалар даражаси, жамоалар натижалари, шунингдек ўйин вақти ҳисобга олинди.

Тадқиқот маълумотларига кўра, Англия премьер лигаси доирасида Хусанов 79,9 индекс билан 19-ўринни эгаллади.

23 ёшгача бўлган футболчилар орасида АПЛ рейтингида «Ливерпуль» ярим ҳимоячиси Флориан Виртц биринчи ўринни эгаллади. Иккинчи ўрин «Манчестер Сити» футболчиси Райан Шеркига насиб этган бўлса, учинчи ўринни «Ньюкасл Юнайтед» сафида тўп сураётган Льюис Холл эгаллади.