Тошкент, Ўзбекистон (UzDaily.uz) — Ўзбекистон Аичи-Нагоя-2026 Осиё ўйинларида икки бронза медалини қўлга киритди. Терма жамоа совринларини қиличбоз Полина Волобуева ва курашчи Сайдулло Абдурашидов келтирди. Бу ҳақда Ўзбекистон Миллий олимпия қўмитаси хабар берди.
Полина Волобуева рапира бўйича мусобақада иштирок этиб, ярим финалга қадар етиб борди ва унинг натижаларига кўра бронза медалини қўлга киритди.
Терма жамоага яна бир медални ушу бўйича мусобақада Сайдулло Абдурашидов олиб келди. Саньда дастурининг 56 килограммгача бўлган вазн тоифасида ўзбек спортчиси ярим финалга йўл олди ва унда Хитой вакилига мағлуб бўлди. Турнир якунига кўра Абдурашидов бронза медалига эга бўлди.
Ўзбекистон терма жамоаси учун Абдурашидовнинг медали ушу мусобақаларидаги иккинчи соврин бўлди.
