Тошкент, Ўзбекистон (UzDaily.uz) — Tashkent Metropolitan University (TMU) бухгалтерия ва молия бўйича Bachelor of Science in Accounting and Finance ҳамда халқаро бизнес бўйича Bachelor of Arts in International Business бакалавриат дастурлари учун Association of Chartered Certified Accountants (ACCA) аккредитациясини олди. Бу ҳақда TMU матбуот хизмати хабар берди.
Аккредитация талабларга жавоб берадиган битирувчиларга профессионал малака олиш жараёнида ACCAнинг айрим имтиҳонларидан озод бўлиш имконини беради.
ACCA бухгалтерия ҳисоби, молия ва бизнес соҳасидаги халқаро профессионал ташкилот ҳисобланади. Аккредитация TMUнинг баҳолашдан ўтган дастурлари доирасида эгалланадиган билим ва кўникмаларни тасдиқлайди.
ACCA томонидан берилган тасдиқ 2029 йил 1 январдан кучга киради ва 2033 йил 31 декабрга қадар амал қилади. Кейинчалик ACCA томонидан тегишли текширув ўтказилиши ва қайта аккредитация талаблари бажарилиши шарти билан аккредитация муддати узайтирилиши мумкин.
Белгиланган талабларга жавоб берадиган имтиёзлардан 2027–2028 ўқув йилидан бошлаб ўқишга кирган ва 2029 йил 1 январдан кейин битирадиган талабалар ACCAнинг амалдаги қоидаларига риоя қилган ҳолда фойдаланиши мумкин. Аккредитация амалдаги талабалар ёки аввалги йилларда ўқишни тугатган битирувчиларга ретроспектив тарзда татбиқ этилмайди.
Bachelor of Science in Accounting and Finance дастури доирасида ACCA Business and Technology, Management Accounting, Financial Accounting, Corporate and Business Law, Performance Management, Financial Reporting, шунингдек, Audit and Assurance йўналишларини баҳолади.
Мазкур йўналишлар TMUнинг Management Accounting (MAC402), Financial Accounting II and IFRS Foundations (FAR501), Business Law (England) (LAW403), Performance with Data Analysis (PDA605), Management Accounting II and Performance Foundations (MAP502), Financial Reporting (FRP602), Audit and Internal Control Foundations (AUD505) ҳамда Audit, Risk and Control (ARC603) каби ўқув модуллари орқали таъминланади.
Bachelor of Arts in International Business дастури ҳам ACCA томонидан тўлиқ баҳолашдан ўтказилди. Баҳолаш жараёнида Business and Technology, Management Accounting, Financial Accounting, Corporate and Business Law, Performance Management, Financial Reporting ва Audit and Assurance йўналишлари ҳисобга олинди.
Ушбу дастур бўйича тегишли ўқув модуллари Management Accounting (MAC402), Financial Accounting (ACF401), Business Law (England) (LAW403), Performance with Data Analysis (PDA605), Management Accounting II and Performance Foundations (MAP502), Financial Reporting (FRP602), Financial Accounting II and IFRS Foundations (FAR501), Audit and Internal Control Foundations (AUD505) ҳамда Audit, Risk and Control (ARC603)ни ўз ичига олади.
Аккредитация талабларга жавоб берадиган битирувчиларга ACCA малакасини олиш жараёнида аввал эгалланган билим ва кўникмаларини ҳисобга олиш имконини беради. Аккредитациядан ўтган дастурни тамомлагандан сўнг битирувчилар ўз дастури ва битирган йили учун белгиланган айрим имтиҳонлардан озод бўлиш ҳуқуқига эга бўлиши мумкин.
Шу билан бирга, айрим имтиҳонлардан озод бўлиш ACCA малакасини тўлиқ олганликни англатмайди. Малакага эга бўлиш учун ташкилотнинг қолган талабларини ҳам бажариш зарур. ACCAда рўйхатдан ўтишда талабаларга расмий ACCA Exemptions Calculator орқали ўзлари учун мавжуд бўлган имтиёзларнинг индивидуал рўйхатини тасдиқлаш тавсия этилади.
«Ушбу аккредитация икки дастуримизнинг сифати ва ўқитувчиларимизнинг талабаларга жаҳон даражасидаги таълим беришга содиқлигидан далолат беради. Энди битирувчиларимиз ACCA малакасини олиш жараёнида аввал эгаллаган билим ва кўникмаларини ҳисобга олишлари мумкин. Бу уларнинг касбий фаолиятида сезиларли устунлик беради», — деди Tashkent Metropolitan University ректори Беҳзод Жалилов.
Аккредитация ACCA томонидан баҳоланган кўринишдаги дастурларга татбиқ этилади. Аккредитация амал қилadigan даврда модуллар ёки дастурлар мазмунига киритиладиган ўзгартишлар имтиҳонлардан мавжуд озодликларга таъсир қилиши мумкин.
TMU аккредитация талабларига кейинчалик ҳам риоя этилишини таъминлаш мақсадида тегишли ўзгартишлар бўйича ACCA билан ҳамкорлик қилади.
