Тошкент, Ўзбекистон (UzDaily.uz) — 2026 йил 12 декабрь куни Самарқандда Ўзбекистон Металлургия ассоциацияси аъзоларининг II умумий йиғилиши ва металлургия саноатини ривожлантиришга бағишланган халқаро форум бўлиб ўтади.
Тадбирда Ўзбекистоннинг етакчи металлургия корхоналари вакиллари, шунингдек, Хитой, Россия, Эрон, Туркия ва Европа мамлакатларидан келган делегациялар иштирок этиши кутилмоқда.
Иштирокчилар орасида McKinsey & Company ва World Steel Association халқаро ташкилотлари экспертлари ҳамда вакиллари ҳам бўлиши режалаштирилган.
Ташкилотчилар форумни тажриба алмашиш, соҳани ривожлантириш истиқболларини муҳокама қилиш ҳамда турли мамлакатлар металлургия бизнеси вакиллари ўртасида ишбилармонлик алоқаларини ўрнатиш майдони сифатида кўрмоқда.
