Тошкент, Ўзбекистон (UzDaily.uz) — Душанбе шаҳри раиси Рустам Эмомали Ўзбекистонга расмий ташрифи доирасида Тошкентдаги Ислом цивилизацияси марказига борди.
Меҳмонга Тошкент шаҳар ҳокими Шавкат Умурзаков ва бошқа расмий шахслар ҳамроҳлик қилди.
Ташриф давомида делегация Ўзбекистоннинг тарихий-маданий меросини асраб-авайлаш ва оммалаштириш, шунингдек, минтақа буюк олимлари ва мутафаккирларининг жаҳон илм-фани ҳамда цивилизацияси ривожига қўшган ҳиссасини намойиш этиш билан шуғулланувчи марказ фаолияти билан танишди.
