Тошкент, Ўзбекистон (UzDaily.uz) — Ўзбекистонлик теннисчи Полина Кудерметова Ningbo Open турнирининг иккинчи босқичига йўл олди. У испаниялик Кристина Букшани 7:6 (7:5), 6:2 ҳисобида мағлуб этди.
Букша Аёллар теннис ассоциацияси (WTA) рейтингида 38-ўринни эгаллаб турибди. Унинг фаолиятидаги энг юқори натижаси эса рейтингнинг 30-поғонасига кўтарилиш бўлган.
Кейинги босқичда Кудерметова турнирнинг биринчи рақамли иштирокчиси ва жаҳоннинг биринчи ракеткаси Елена Рыбакина билан учрашади. Рыбакина юқори рейтингдаги ўрни туфайли тўғридан-тўғри иккинчи босқичга йўл олган.
Кудерметова ва Рыбакина ўртасидаги учрашув 22 октябрь куни бўлиб ўтиши режалаштирилган.
