Ўзбекистон ва Югра саноат ва рақамли технологиялар соҳасида ҳамкорликни ривожлантиришни мақсад қилган
Тошкент, Ўзбекистон (UzDaily.uz) — 2025 йилнинг 29 апрель куни Инвестициялар, саноат ва савдо вазири Лазиз Кудратов Ханти-Мансийск автоном округи губернатори – Югра Руслан Кухарукни қабул қилди.
Музокаралар давомида машинасозлик, металлга ишлов бериш ва рақамли технологиялар соҳаларида ҳамкорликни ривожлантиришнинг истиқболли йўналишлари кўриб чиқилди.
Ўзаро товар айирбошлаш ҳажмини ошириш, қўшма сармоявий лойиҳаларни амалга ошириш, саноат кооперациясини йўлга қўйиш бўйича таклифлар билдирилди.
Шунингдек, саноат учун мутахассислар тайёрлаш бўйича қўшма дастурлар жорий қилиш режалари ҳам муҳокама қилинди.
