Ўзбекистон ва Туркманистон савдони ривожлантириш масалаларини муҳокама қилишди

Тошкент, Ўзбекистон (UzDaily.uz) -- Ўзбекистон Республикаси Ташқи иқтисодий алоқалар, инвестициялар ва савдо вазирлигида Туркманистон Ташқи иқтисодий алоқалар ва савдо вазири Довран Оразмуродов билан учрашув бўлиб ўтди.

Вазирлик Матбуот хизмати маълумотларига кўра, учрашув давомида юқори даражада эришилган келишувларнинг бажарилиш масалалари муҳокама қилинди.

Жумладан, томонлар икки томонлама савдо ҳажмини ошириш, транспорт ва транзит соҳасидаги биргаликдаги ҳаракатлар масалаларини муҳокама қилишди.